New name for 佛女 ＜＞ Ｋｕｍｏ
今日趁食lunch既時間去左Paw Palace. 因為有D新貨返左(其中有2件係熱切期待中既), 所以好心急咁去揀衫仔比Honey & Beans.
亦都趁住呢個機會問吓D得意既名..因為我暫時叫佛女做"Shante" 如果有做yoga既朋友可能知呢個名既意思.Shante=peaceful. 不過我仲係想諗個ｃｕｔｅ既名．
所以我向日本發音既名出發喇．．．我唔識日文（雖然讀過ＢＢ班）， 所以就問吓Dorothy啦．Dorothy又好好人幫我再問Meiko san． 我諗左３個名， 分別係 ：
１． 小綿羊 ＝ Ｈｉｔｓｕｊｉ
２． 綿花 ＝ Ｍｅｎｋａ
３． 白雲 ＝ Ｋｕｍｏ
好喇仲於有結果啦．．．．我揀左ＫＵＭＯ． 即係天上面既白雲．．好ｆｉｔ佢吖．．白雪雪軟綿綿咁，亦都可以好卡通ｆｅｅｌ．
咁一於叫Ｋｕｍｏ 中文名叫余嬌嬌． 兩個家姐叫余的的余式式． 嬌嬌的的式式．．．
6 comments:
haha....honey ma，你終於都忍唔住，恭喜哂呀，又多個靚女加入你地個大家庭喇！haha....
Maggie :
係呀佢地真係魅力無法擋呀!! 我而家好似集郵咁唔知幾時可以有齊D色呢...Hahaha...
遲D我帶3條Q出黎比肥宝過目啦.
Honey Ma,
個名幾好聽wor, 又易記，嘩！如果集齊咁多隻色，你間屋咪狗多過人囉???hahaha! Meiko之前同我哋講過日本好多人養Poodle會養上癮嫁，初初會買吾同color,跟住會買吾同Size,買吓買吓就會買到成屋狗嫁喇！！Honey Ma，你會吾會係香港第一個養Poodle養上癮既人呢???hahahaha!不過吾緊要啦！你咁有心機打理狗狗，養多多都吾怕啦！！我就吾得喇！無內性呀！
咖喱公主 :
3隻真係差唔多喇(留定條後路比自己先)..你知啦海逸唔准養狗所以幾麻煩&無耐架.
希望可以中番次勁野六合彩, 跟住好似你個auntie咁買間向海既獨屋...養多D狗狗...
嘩, 醒吓啦!唔該!而家4点咋發夢無咁早呀.
Hehehe.....
honey媽今次叫kumo,唔會改吖ma....wakaka
好想快d見吓佢呀..
Popcorn,
唔會改啦. 再改mammy就思覺失調架喇. Kumo幾 cute呀. 咁佢地3個小朋友係 :
Honey,Kumo,Blackbeans=HKBB 即係 Hong Kong Baby 啦 (wow...咁都比我諗到). Hahaha....
Post a Comment