今日趁食lunch既時間去左Paw Palace. 因為有D新貨返左(其中有2件係熱切期待中既), 所以好心急咁去揀衫仔比Honey & Beans.
亦都趁住呢個機會問吓D得意既名..因為我暫時叫佛女做"Shante" 如果有做yoga既朋友可能知呢個名既意思.Shante=peaceful. 不過我仲係想諗個ｃｕｔｅ既名．
所以我向日本發音既名出發喇．．．我唔識日文（雖然讀過ＢＢ班）， 所以就問吓Dorothy啦．Dorothy又好好人幫我再問Meiko san． 我諗左３個名， 分別係 ：
１． 小綿羊 ＝ Ｈｉｔｓｕｊｉ
２． 綿花 ＝ Ｍｅｎｋａ
３． 白雲 ＝ Ｋｕｍｏ
好喇仲於有結果啦．．．．我揀左ＫＵＭＯ． 即係天上面既白雲．．好ｆｉｔ佢吖．．白雪雪軟綿綿咁，亦都可以好卡通ｆｅｅｌ．
咁一於叫Ｋｕｍｏ 中文名叫余嬌嬌． 兩個家姐叫余的的余式式． 嬌嬌的的式式．．．
上個星期六Daddy mammy 掉底我同亞Beans去食野..之前Daddy係飲食男女到見有一間日本菜標榜住佢地既sushi 有成8吋長....嘩貢緊要???咁就一於去試吓啦.
佢地order 左海膽剌身(好食), 和牛剌身(一般), 吞拿魚腩剌身(幾肥美幾好), 甜蝦剌身(一般), 雞軟骨 & 牛舌(okay啦), 清洒煮蜆&喬麥麵(唔好食既). 不過佢地居然無試過D8吋長既sushi. 真失敗不過實在己經太飽啦...算把啦.
總括而言 : 食物無乜特別.去過一次就夠!
相薄 :
 |
| 昭陽居洒屋 |
Mammy呢排成日心思思想買大機玩再加上魔鬼家族既靚靚相, 真係好難捍衛呀.
今日mammy D同事又帶左支新lens返工引mammy呀....不過又真係影得幾靚..區區果一部玩具車 & toilet key 己經可以影到咁.. 如果係我同亞Beans就不得了啦 哈哈哈..... Mammy你都係難逃魔掌喇.
我呢2位小朋友平時係屋企得閒無事做就會玩吓打交增進感情. 起初我會覺得會唔會玩得太rough呢? 不過之後問過幾位養2隻狗狗既朋友, 佢地話呢個情況係絕地正常. 所以我都好放心比佢地繼績打落去吖. 哈哈..
呢位小朋友係一隻white teacup poodle bb女. 佢亞爸係Icy (好靚仔有縮水Popcorn之稱). 佢亞媽係KiKi (靚女一名). 佢係5月24号佛誕出世所以別名叫佛女.
Tomorrow 佢足2個月大, 而家Betty姐姐好細心照顧緊佢. 係度我祝佢健健康康活活潑潑.
Mammy係Sunday做乖乖女陪公公婆婆去睇左呢個dance performance. 好好睇..而且仲有泳兒唱歌 tim.
係表演途中mammy靜靜地影左幾張相比大家睇.
今次既狗狗聚會又係一個愉快既gathering. o係度要多謝主辦人茶茶mammy & 美食總監Popcorn mammy.
相實在影左好多, 所以只揀一小部份. 由於主角係班狗狗, 所以D爹爹媽媽一侓唔出鏡... Hehehe....
Mammy 公司之前搞左好幾次既function都去唔到(on business trip). 今次公司再搞電影之夜就okay啦. 雖然mammy之前係London既時候都有睇開呢本書, 返左HK之後反而無睇過(返工己經好忙, 仲点會慢慢追小說呀). Mammy話佢鐘意睇書多過睇戲.原汁原味D禾.
今次公司請既(staff benefits), 好多同事都join到...大家一齐柴娃娃去睇戲應該都幾開心. Mammy要左2張飛, 唔係同我睇, 又唔係同亞Beans睇, 更加唔係同爹爹睇......咁同邊位睇呀?????
哦原來同印印姐姐Nanik睇. Mammy話佢做野好勤力,sunday 又唔放假, 所以今晚帶佢去威law.
咁我同亞Beans就係屋企同賓賓姐姐Lani玩住等mammy睇完返屋企law. Mammy & 印印姐姐 ｅｎｊｏｙ啦．
係度要唔該&多謝Betty姐姐先. 唔該既係要麻煩佢扲D超級美味既羊腳仔去灣仔比mammy去pick up. 多謝既就要解下話喇....
嘩唔講你地真係唔知Betty姐姐既獨門既生意手法.... Mammy同佢order左6隻羊腳仔, 去pick up 時發現個袋都幾重, 返到office打開黎睇....嘩邊有人買野搭單送咁多小食架....人地話去街市買餸就送條葱之麻...邊有咁多架....Betty姐姐真係好鬼屎nice呀.....
係度再要多謝Betty姐姐D小食. Mammy話Saturday有個狗狗gathering咁我地會同其他D小朋友一齊share D小食咁就皆大歡喜啦..
尋晚Betty姐姐同媽咪傾計, 佢話玩具貴婦全攻略呢本書tomorrow就出啦(係呀書展又黎啦). Betty姐姐話內頁有亜Beans 同茶茶. Wow.....,mammy 一聽到咁就好心急話要睇呢本書.... Betty姐姐好好人, 佢話佢都訂左幾十本擺係shop買, 所以佢都會去會展pick up D書. 咁mammy office 又好近會展, 所以Betty姐姐就專程drop 抵本書比mammy. 真係新鮮滾熱勅呀.
茶茶mama : 如果你想要呢本書就call Betty 啦.
0001.jpg)
為左Wellcome 個活動同埋 Paw Palace 既microbubble bath treatment, mammy 都幾辛苦架..你知啦成33度仲要抱住我呢舊fur呢道去果度去...真係都幾亜四 feel.
所以mammy話夜晚出去食飯唔帶我同亞Beans啦.. 佢話我地好攰啦要休息啦..咁又係呀我同亜Beans 係車度己經大昏迷lu. 其實mammy都好攰所以爹爹近近地去左海逸酒店果間爐端燒... 水準都維持okay既....
跟住第2日爹爹本來想請mammy食黃油蟹, 点知全部售完...佢地話而家好多人都order左黃油蟹食, 所以好快買完...咁我地唯有食住羔蟹先law...爹爹話下個星期order定再食.....唔知有冇約我同亞Beans呢?
跟住果weekend daddy mammy 就係咁同D friends 飲飲食食..搞到又係肚腩行先..我都話要帶埋我去啦等我幫你地食咁D嘛...下次記得帶埋我去啦. 哈哈 Mammy, Happy Birthday !! Kisses from Honey Beans.
Wellcome 個活動完左之後, mammy 就帶左我去 Paw Palace 享受吓呢個microbubble bath. 我本來己經好攰啦... 坐左係道hea 緊.... 咁我入去歎世界都好正常啫... 我識搵錢就識洗錢架啦(其實識左好耐).
嘩呢個microbubble bath 真係好正...舒服到不得了...跟住做埋個泥....簡直天上人間... 我全程enjoy 任由D 姐姐擺布.....
Mammy接我既時候都話我D毛毛好滑手呀.. 而且到今日都仲係好滑...超正呀....咁我以後要搵多D錢先得啦...
July 12係我幫惠康宣傳大頭猫狗既活動,而果日就係媽咪正日生日,咁媽咪為左我着想, 於是就請左假湊我同亞Beans去果日既活動。
話說果日氣溫有成33度而果活動就安排係12点半開始. 首先我地去到就己經見到一隻好大隻既金毛.嘩佢D毛好滑,佢又好乖咁坐係到等. 當D姐姐見到我同亞Beans就好似蜜蜂見到honey咁(咁我真係Honey嘛)就爭住要同我地影相, 就係咁你影一張我又影~張搞到我未開始果活動就已經好累啦。終於個司儀開始介紹啦……..首先佢地請左幾個靚靚姐姐同埋幾個港男(其中有好鬼屎大隻,手瓜起展既Rocky(不過最搞笑係佢扁扁揀左亞Beans黎抱, 你地睇吓D相, 佢隻手瓜大過亜Beans個頭2倍呀)…..重有個成日講法文既黃長興&黃長發tim.. 都幾靚仔架…不過其如果D我就唔識喇。
而我既責任就係比D靚靚姐姐抱住影相. 之後D姐姐同哥哥就拖住我行到去Sogo門口企定又再影相咁就ok啦。其實我當時好鬼屎驚、成日周圍搵媽咪…落地又唔肯行(一定要媽咪係隔鄰陪我先至得。真係好鬼屎醜怪(可能實在太多人啦,我好鬼屎小胆嘛)…好彩終於都大功告成。亞Beans就舒服得多、因為佢太細隻所以全程淨係比靚靚姐姐抱住、乜都唔使做.其實初初無預佢架不過炬地話佢得意所以預埋佢。
果活動完成之後佢地就出糧比我…係果一刻我真係好proud of我自己呀…因為我終於都識搵錢養家啦.哈哈….就係咁我奉獻左我既人生第一份糧比mammy做生日禮物lu… 之後媽咪就帶左我地Paw Palace嘆世界做spa & Jacuzzi….詳情請睇另一個topic啦. Thank you.
P.S. Mammy個朋友話遲D會send 番 D 剪報比我地喎
Hello, 大家話似唔似呢? Hehehe.....咁我梗會美化吓我既爹爹媽媽啦
大家有冇發覺剛剛過左既星期六都幾special 架??? 就係07.07.07 即係2007年7月7日. 為左呢個幾speical既日子, mammy帶左我同亜Beans去左一個新地方.....登登登.....就係 : P H Y S I C A L...
去做乜? 做 facial 呀!...唔好誤會...係mammy做....我同亞Beans 去見識下啫.
我果日勁乖呀一路陪住mammy做facial. Mammy hea吓我hea吓. 亜Beans同印印姐姐就係出面同我多姐姐玩. 呢個係同亞Beans 向各個新地方出發既笫一步. 希望可以好似Popcorn咁入戲院睇戲& 唱K啦.
Mammy係3号要帶印印Nanik姐姐做smart ID card, 所以我地去左Wanchai既DOL canteen 等佢. 果日因為係閒日所以好靜..不過都識左D朋友仔...有亞旺, Teddy & Chloe (兩兄妹), Muffin, Tonic & Tiger.
之後見到之前幫我剪頭髪既Hiromi姐姐. 佢一叫我, 我就飛撲埋去佢度整到佢超開心呀.
我同mammy等左印印Nanik姐姐好耐呀.. 好彩有冷氣歎因為實在太熱啦... 4点半終於okay lar 可以返屋企lu.
尋日 mammy 係G.O.D.買左張細細地既Bean chair. 佢話人又可以當chair 坐, 狗狗又可以當牀仔坐,幾好吖. Mammy 叫我坐上去睇下舒唔舒服. 你地睇我幾hea就知舒服啦.
原來香港真係好細架. 話說mammy 係7月2号約左 D auntie 見面. 佢地未見過我同亜Beans, 所以mammy話不如係Causeway Bay 既 Dog Side Cafe 見啦. 我地坐左一陣, 茶茶mammy 走過黎say hello, 佢地一家都係度呀... 笫一次見陳大少爺真係熱情到死呀, 而陳大小姐就非常溫文爾雅成個lady咁...而茶茶就唔使問啦... 非常social. 逢枱過枱, 魅力沒法擋呀.
過左一陣我又見到Barbie呀..真係橋到咁都得...見到Barbie第一個feeling就係人如其名 : 好cutie好靚D毛毛好軟綿綿.真係人見人愛車見車載呀.
今次梗難得茶茶mammy帶左佢支新lens同我影左D咁靚既相真係thank you 晒呀. 茶茶mammy你多D同魔鬼家族研究下啦咁我地先有機會比你地影多D相呀.... Hehehehe......
.jpg)